გაკვეთილის გეგმა .ნანი კვანტალიანი

ნანი კვანტალიანის გაკვეთილის გეგმა

79-ე საჯარო სკოლა.
1.გაკვეთილის თემა ”ბ ” ასო ბგერის გაცნობა
2.სასწავლო საფეხური და კლასი პირველი კლასი
3.საგანი ქართული ენა
4.მასწავლებლის სახელი და გვარი კვანტალიანი ნანი



5.მოსწავლითა რაოდენობა 16
6.განსაკუთრებული მიდგომების საჭიროების მქონე რაოდენობა და პროფილი 0
8.გაკვეთილის სასწავლო მიზანი განუვითარდეთ მოსწავლეებს ძირითადი სამეტყველო უნარები: (წერა, კითხვა, საუბარი)
9.ეროვნული სასწავლო გეგმით განსაზღვრული მისაღწევი შედეგი/ ინდიკატორები შედეგი:
1.4. მოსწავლე ისმენს და იგებს ნაცნობ თემატიკაზე შექმნილ მცირე ზომის ტექსტებს და გამოხატავს თავის დამოკიდებულებას.
1.5. მოსწავლე სათანადოდ აღიქვავს წაკითხული მარტივი ტექსტის შინაარსს.
1.9. მოსწავლე წერს კარნახოთ და ნაბეჭდი ტექსტიდან, დაფიდან გადაწერს მარტივ წნინადადებებს.
ინდიკატორები:
1.4.1. ამოიცნობს და განარჩევს ერთმანეთისაგან ლექსს , გამოცანას, ენის გასატეხს.
სვამს, პასუხობს შეკითხვებს მოსმენილ ტეხსტთან დაკავშირებით.
1.5.1. კითხულობს ხმამაღლა, მთლიანი სიტყვებით ( ან დამარცვლით) . მარტივი წინადადებებით შედგენილ მცირე მოცულობის ტექსტებს.
1.5.6. აგრძელებენ სხვის მიერ დაწყებულ კითხვას.
1.9.1. ხელის სწორი მოძრაობით წერს ანბანის ასოს შესაბამისი მიმართულებით იცავს პროპორციებს.
1.9.2. იცავს მანძილს ასოებს შორის.

10.თანმიმდევრობა ( აქტივობა , დრო) თანმიმდევრობა:
სურათის აღწერა.ბავშვები იყოფიან 2 ჯგუფად. თითოეულ ჯგუფს ვავალებთ სურათის მიხედვით შეადგინონ პატარა მოთხრობები. შემდეგ ვთხოვ სურათის მიხედვით შეადგინონ 4 სიტყვიანი წინადადება, სადაც ერთ- ერთ სიტყვად გამოყენებული იქნება ”ბუდე” . შემდეგ ვთხოვ მოიფიქრონ 2 - მარცვლიანი, 3- მარცვლიანი სიტყვები ბგერა ” ბ” -ს გამოყენებით. დრო- 15 წუთი.
ვკითხულობ ახალ მასალას ინტონაციის დაცვით. ვამახვილებ ყურადღებას ახალ სიტყვებზე. ვაწვდი ინფორმაციას ბუზზე, რომ ის მწერია, რომელიც 10 დღე ცოცხლობს და მას შეუძლია დაავადებია გავრცელება. აქვე ვუხსნი რომ ობობა უხერხემლო ცხოველია. ის იკვებება მწერებით. არის შხამიანი და მისი ქსელი შეიცავს რკინას. ვაწვდი ინფორმაციას ბამბის შესახებ, რომ ის არის მცენარე. მისი თესლისგან ამზადებენ თესლს რომელსაც საკვებად იყენებენ. დრო- 5 წუთი.
შესვენება - 1 წუთი.
ვსვამ საკონტროლო კითხვებს:
1) ბულბული როგორი ფრინველია?
2) რითი იკვებება ბეღურა ზამთარში?
3) ობობა ცხოველია თუ მწერი?
4) რა დაუგეს ბავშვებმა ბულბულს?
5) მოსაწონია თუ არა ბულბულის საქციელი?
6 )თქვენ როგორ მოიქცეოდით?
7) თქვენი აზრით რა ამხიარულებს ბუნებას?
8) რომელ ფრინველს ეძახიან ტყის მკურნალს?
დრო- 3 წუთი.
ვაკითხებ ახალ მასალას. მოძრავი ანბანით ვაწყობთ სიტყვებს . ვთხოვ მოიფიქრონ 2- მარცვლიანი სიტყვა რომლის პირველი მარცვალი იქნება ” ბა”. დრო-12 წუთი.
11.შეფასება განმავითარებელი, სიტყვიერი.
12.საკლასო მენეჯმენტი მოძრავი ანბანი,ფერადი ცარცი, კომპიუტერი,პროექტორი.
კლასგარეშე წიგნები. ისტ-ის გამოყენებით სურათების ჩვენება.